93. ✸ हा देश माझा..!! ✸

     ●●●●●००००००●●●●●

हा देश माझा याचे, भान जरासे राहू द्या रे ll धृ ll

हा उंच हिमालय माझा, हा विशाल सागर माझा

ह्या गंगा, यमुना, शेती, धरती, बागबगीचा माझा

अभिलाषा यांची धरिता, कुणी नजर वाकडी करता

या मरण द्यावया, स्फुरण आपल्या बाहू पावू द्या रे ll १ ll

जे हात उत्सुकलेले, दगडांच्या वर्षावाला

रोखा ते, लावा कार्याला, या देशाच्या प्रगतीला

हे बंद करा उत्पात, थांबवा आपुला घात

सामर्थ्य न जावो व्यर्थ, काहिसा अर्थही येऊ द्या रे ll २ ll

जरी अनेक अपुले धर्म, जरी अनेक अपुल्या जाती

परी अभंग असू द्या, सदैव अपुली माणुसकीची नाती

द्या सर्व दूर ललकारी, फुंका रे एक तुतारी

संदेह रोष जे, द्वेष मनातील वाहून जाऊ द्या रे ! ll ३ ll

हा देश माझा याचे भान जरासे राहू द्या रे ..!"