59. ❂ पसायदान ❂

  ━━═●✶✹★●★✹✶●═━━

आता विश्वात्मकें देवें l येणें वाग्यज्ञे तोषावें l

तोषोनिं मज द्यावे l पसायदान हें ll

जें खळांची व्यंकटी सांडो l

तया सत्कर्मी रती वाढो l

भूतां परस्परें जडो l मैत्र जीवाचें ll

दुरितांचे तिमिर जावो l विश्व स्वधर्म सूर्यें पाहो l

जो जें वांछील तो तें लाहो l प्राणिजात ll

वर्षत सकळ मंगळी l ईश्वरनिष्ठांची मांदियाळी l

अनवरत भूमंडळी l भेटतु भूतां ll

चलां कल्पतरूंचे आरव l

चेतना चिंतामणीचे गांव l

बोलते जे अर्णव l पीयूषांचे ll

चंद्रमे जे अलांछन l मार्तंड जे तापहीन l

ते सर्वांही सदा सज्जन l सोयरे होतु ll

किंबहुना सर्व सुखी l पूर्ण होऊनी तिन्ही लोकीं l

भजिजो आदिपुरूषी l अखंडित l

आणि ग्रंथोंपजीविये l विशेषी लोकीं इयें l

दृष्टादृष्टविजयें l होआवें जी ll

येथ म्हणे श्री विश्वेश्वरावो l

हा होईल दान पसावो l

येणें वरें ज्ञानदेवो सुखिया जाला ll