*❒ ऑल्विन टॉफ्लर ❒*
━━═•●◆●★◆★●◆●•═━━
खेळण्याच्या वयात कविता आणि लेखनासाठी कटिबद्ध होणाऱ्या ऑल्विन टॉफ्लर यांनी अंतिमतः अद्याप न साकारलेल्या लांबच्या भविष्याची चाहूल घेत त्याबद्दल जगाला जागवण्याचे काम केले. प्रगती, माहिती आणि प्रक्रियांचा वेग ऐतिहासिक दृष्टिकोनातून वाढत असल्याने भविष्यात होणाऱ्या त्याच्या धक्कादायक परिणतीचा त्यांनी अनेक वर्षें आधी वेध घेतला.
साठच्या दशकात त्यांनी आपल्या लेखासाठी योजलेला फ्युचर शॉक हा शब्दप्रयोग त्यांची ओळख बनला. पुढे त्याच नावाने प्रकाशित झालेल्या पुस्तकाने त्यांचे भविष्यवेत्त्याचे स्थान इतिहासात पक्के केले. १९७० साली पहिल्यांदा प्रकाशित झालेले 'फ्युचर शॉक' हे पुस्तक दीड कोटी प्रती आणि अनेक भाषांतरांनंतरही अजून छापले जात आहे. त्या व त्यानंतर सुमारे दहाएक वर्षांच्या अंतराने प्रकाशित केलेल्या अन्य दोन पुस्तकांतून त्यांनी तेव्हा बऱ्याच दूर असलेल्या, आणि आपण अद्याप निर्णय न घेऊ शकलेल्या जनुकशास्त्र आणि क्लोनिंगचे जग दाखवले.
संगणकाचे भविष्यकालीन परिणाम यावर आयबीएमसाठी लिहिलेला शोधनिबंध ते आणि त्यांच्या पत्नी व सहलेखिका हेदी यांच्या भविष्यकालीन लेखनाचा पाया बनला. प्रगत अर्थव्यवस्था संगणकाविना मिनिटभरही चालू शकणार नाही, हे आज वास्तव बनलेले दिसते. भविष्यकाळातील अशिक्षित जनता ही न शिकलेली, लिहिता-वाचता न येणारी असणार नाही तर जे शिकले ते बाजूला ठेवून नव्याने, नवे न शिकू शकणारे लोक अशिक्षित ठरतील, असे त्यांनी म्हटले होते. ते आज नवीन तंत्रज्ञानयुक्त वेगवान जगात वास्तव बनलेले आहे. मात्र, त्याचबरोबर त्यांचे पेपरलेस ऑफिसचे भाकीत आश्चर्यकारकरित्या चुकीचे ठरले. त्यांनी केलेली प्रत्येक भविष्यवाणी सत्यात उतरली, असे नाही. त्यांचे शहरांच्या प्राबल्याचे अंदाज चुकले.
भविष्यातील नागरिकांनी या वेगवान बदलांशी कसे जुळवून घेतले, हे त्यांना पाहता आले नाही. प्रामुख्याने डिजिटल जग जीवन कसे पालटून टाकेल याचे भाकीत त्यांनी केले.
No comments:
Post a Comment